This story was taken from Bulatlat, the Philippines's alternative weekly newsmagazine (www.bulatlat.com, www.bulatlat.net, www.bulatlat.org).
Vol. IV, No. 43, November 28 - December 4, 2004 

TULA (POETRY) 

Uyayi  sa Umaga ( ng Sakada )

Ni Victor Bisperas
Inilathala ng Bulatlat

May ngiti ang bawat umaga sa bisig na nagpagal

Naghasik ng binhi at sa lupa’y nagbungkal

Maghapong trabaho sa bukid ay hindi wari

Lupang dantaong pinagyaman di pa rin inaari

Hacienda Luisita pinagyaman ka ng aming Ina’t Ama

Kinabukasan ng aming mga anak iyo pang isinanla

Pinanday ng aming kamao ang gumigiling mong makina

Ngayong ikaw ay namunga panginoon ang nagpapasasa

Sumisingasing ang punglo bumibistay ng katawan

Kumikitil ng hininga ng pagal na kalooban

Ang taumbayang lumalaban nalugmok sa tubuhan

Habang ang berdugo ay nahihiga sa yaman

Wakasan ang pagsasamantala ang aming sigaw

kapitbisig kaming bandila at kamao ay iwinagayway

Ang lupa mong  dantaon dinilig ng luha at pawis

Babawiin ng magbubukid kahit dugo ang tumigis

Nobyembre 18, 2004

Bulatlat

 © 2004 Bulatlat ■  Alipato Publications

Permission is granted to reprint or redistribute this article, provided its author/s and Bulatlat are properly credited and notified.