This story was taken from Bulatlat, the Philippines's alternative weekly newsmagazine (www.bulatlat.com, www.bulatlat.net, www.bulatlat.org).
Vol. IV, No. 44, December 5-11, 2004 

TULA (POETRY)

Butas na Batas ng Gubat

Dumayo ang bagyo ng siklo’t

Tinahak ang landas ng Pilipinas,

Mabugso ang nabuyong alimpuyong

Nagwasiwas at naglaglag ng mga patak;

Hinahalo ng umaalipatong ipu-ipo

Ang wasak na gubat na umiiyak.

Bumaha ang luhang saganang sagana,

Hindi naawat ng mga nautas na ugat

Niyong kahoy na pinulpol ng ungol

Ng mga tampalasang halimaw na humalihaw

At gumanot sa panot na panot nang bundok.

Niyong mga nagkamal ng makakapal na yaman

Nalunod at inianod ang punggok na himutok,

Nawasak ang pangarap sa butas na batas ng gubat.

Tata Raul G. Funilas

UP-Diliman

Disyembre 2, 2004

 © 2004 Bulatlat ■  Alipato Publications

Permission is granted to reprint or redistribute this article, provided its author/s and Bulatlat are properly credited and notified.