TULA (POETRY)
Dingalan
(Naitagong Paraiso)
Sa pagitan nang dalawang bayan
Ng Gabaldon at Dingalan.
Sa Gabaldon ang barangay Pinamalisan
At barangay Tanauan sa Dingalan.
Malalaking bato’y matatanaw
Sa pisngi ng bundok Tapao,
Na nalilimbagan ng talata sa Bibliya;
Mistulang prayer mountain sa eden.
Pagbungad mo pa lamang sa bukana,
Kung patugpa kayo sa barangay Caragsakan.
Isang tanawin ang sa puso mo’y
magpapapitlag,
Unsod na bulong at tiyak na mapapakalatak;
Isang bungkos at libong tangkal na
paghanga
Ang ipupukol sa tanawing naglililang
Dagat-Pasipiko,
Isang paraisong nakatago sa silong ng
langit.
Isang paraisong nakatago at itinago,
Ng mga salanggapang na mamumuhunan;
Upang itago ang pagpapabara at pagtutumba
Sa mga pinulpol at tinatal na malalabay na
troso.
Nabunyag sa lahat at nabantad
Ang paraisong hinamog at nabantod
At kinalambre sa ginaw ang puyat na
magdamag.
Ang iyak ng langit ang nagbunyag,
Pinilit nitong ibuhos ang rehas na luha;
Upang makita ng hinihingal na gobyerno
Ang katampalasanan ng patakarang
patangkaran.
Umiiyak ang Dingalan, ang naitagong
paraiso.
Tata Raul G. Funilas
Disyembre 3, 2004
Bgy. Caragsacan,
Dingalan, Aurora Province
BACK TO TOP ■
PRINTER-FRIENDLY VERSION ■
COMMENT
© 2004 Bulatlat
■ Alipato Publications Permission is granted to reprint or redistribute this article, provided its author/s and Bulatlat are properly credited and notified. |