This story
was taken from Bulatlat, the Philippines's alternative weekly
newsmagazine (www.bulatlat.com, www.bulatlat.net, www.bulatlat.org).
Vol. V, No. 22, July 10-16, 2005
TULA (POETRY)
Nabosesan
Ni Bienvenido Lumbera* Posted by Bulatlat © 2004 Bulatlat
■
Alipato Publications Permission is granted to reprint or redistribute this article, provided its author/s and Bulatlat are properly credited and notified.
Posted by Bulatlat
NABOSESAN
Isang araw, tumawag si Mam
Helow Garci
Helow Garci
At dalawang boses ang lumutang-lutang
Sa polusyon alingasaw
Ng papawirin sa Kamaynilaan.
Boses ni Garci, boses ni Mam.
Helow Garci
Helow Garci
Dalawang boses nagkaintindihan,
Boses ng bayaran, boses ng mastermind,
Pinagbuhol ng tungkulin at kapangyarihan.
Kasong electoral ng Mindanaw,
Inosenteng-inosente daw naman
Ang laman ng usapan.
Helow Garci
Helow Garci
Boses ni Garci, boses ni Mam
Nahuling palutang-lutang,
Sa tape ng bantay-salakay ng NBI,
Radyo TV pahayagan
Isiningaw ang lutong-makaw
Ng Komelec at Malakanyang.
Sa CD, cell, web, busina ng sasakyan
Boses ni Garci, boses ni Mam,
Sa sangkapulua'y napabuyangyang.
Helow Garci
Helow Garci
Huwag kang lilitaw
Tatawagin ko ang mga heneral,
Dapat ang bukas na tainga'y ipagbawal,
Sasabihan ko ang Dios kanyang pabulaanan
Ang mabubuking na katotohanan
Na ang eleksyon ay aking ninanakaw
PERO HELOW,
Hindi tanga ang bayan,
Sanay makiramdam.
Kung ang Dios at militar ay kayang atasan,
Pasaway ang bayan,
Tutol sa kasinungalingan,
Walang batas-batas ng wire-tapping daw.
Sigaw nila'y "Katotohanan!
Mag-resign ang magnanakaw!"
Helow Garci?
Helow Mam!
BA'T DI KA PA NAGRE-RESIGN!?
Si Bien Lumbrera ay propesor ng literatura sa Ateneo at UP at kilalang
isang manunulat. Ramon Magsaysay awardee.