This story was taken from Bulatlat, the Philippines's alternative weekly newsmagazine (www.bulatlat.com, www.bulatlat.net, www.bulatlat.org).
Vol. VI, No. 1, February 5-11, 2006

TULA (POETRY)

Pulitiko, Sundalo at Boksingero

BY RAUL FUNILAS

Posted by Bulatlat

Ako ay may komento,

Pakinggan ang kuwento;

Tungkol sa pulitiko

Sundalo't boksingero.

Si Gunggong pulitiko,

Ang gawa ay manggulo;

Kaya nag-alburuto

Ang isang laksang gago.

Nagmarkulyong sundalo,

Nag-Oakwood ang Magdalo;

Natakot ang may trono

At sumakit ang ulo.

Sa Nevada'y dumayo,

Sikat na boksingero;

Buntot ang pulitikong

Nag-Tong-Its sa casino.

Nang magkamp'yon sa mundo

Ang lantay ang kamao,

Ang crime rate daw-- nag-zero

Nahinto'ng eksplosibo

Ng kaliwang alyado;

Umupo sa bangkito't

Pinanood ang g'wapong

Nagpahinto ng gulo.

Gagawin daw na santo

Si Pacquiao na idolong

Papagitna sa gulo

Ng mga sira-ulo.

Ang galing-galing ninyong

Nariyan sa palasyo,

Saan papunta'ng tao

Sa kanyang pagkahilo?

Enero 24, 2006

Raul Funilas is a member of the Neo-Angono Artists Collective, Inc., Bigkis Sining Binangonan and the band Bandolero. 

Posted by Bulatlat

© 2006 Bulatlat ■  Alipato Publications

Permission is granted to reprint or redistribute this article, provided its author/s and Bulatlat are properly credited and notified.