Lalaya Rin ang
Bayan (Kahit Di Mo Na Ito Sulyap)
NI NOEL SALES BARCELONA
Inilathala ng Bulatlat
Hindi
maglalaon
muling makikitang
malaya ang Bayan.
Bayang pinagbuwisan
ng sampalataya't dugo
ng pangangarap at pagkabigo.
ng tagumpay at luha
ng pagkukuro at pagkatuliro
ng lakas at panghihina.
Mamahinga ka na
Ikaw na marapat
sa dangal ng iyong abito.
Naririto kami –
kasama ng dasal
ang usal ng isang sumpa –
Hindi kami titigil
hangga't di makamtan
ang pangitain mong:
Hindi maglalaon
muling makikitang
malaya ang Bayan!
Requiem aeternam dona ei, Domine, et lux perpetua luceat ei. Requiescat in
pace. Amen. (Bigyan Mo po siya, O Panginoon ko ng walang hanggang
kapahingahan at hayaang mag-ilaw sa kaniya ang walang hanggang Ilaw. At
nawa'y mamahinga siyang mapayapa. Siya nawa.)
Kay Bp. Alberto Ramento (Iglesia Filipina Independiente), mamahinga kang
mapayapa...
Inilathala ng Bulatlat
BACK TO
TOP ■
PRINTER-FRIENDLY VERSION ■
COMMENT
© 2006 Bulatlat
■
Alipato Media Center
Permission is granted to reprint or redistribute this article, provided
its author/s and Bulatlat are properly credited and notified.