TULA (POETRY)
Sino Nga Ba ang Terorista?
NI MANG LINO
Inilathala ng
Bulatlat
Sa depenisyon ng may kapangyarihan –
Ang bumubulabog sa Malakanyang
Ang layunin ay destabilisasyon,
Maghasik ng takot at pumaslang.
At bakit hindi?
Matagal nang walang direksyon ang
pag-unlad,
Sagana sa buwitre at buwaya ang bayan;
Marami sa kanila’y nagmumugad sa
Malakanyang,
Kongreso at husgado.
Garapalang pagyurak sa karapatang pantao.
Nguni’t paano nga ba pinapalayas ang
mabangis na hayop,
Hindi ba’t binibulabog?
Kung may takot man,
Hindi mayoryang walang yaman,
Kundi ang nakakapangyayari,
At may interes na pinoprotektahan,
interes
Kung saan may malaking puhunan,
kabi-kabila’y sundalo
At ang protestang-masa’y binubusalan,
Animo’y panggulo.
Hindi na takot ang namamayani sa mga
nagugutom
Hindi takot ang namamayani sa mga pagod
Hindi takot ang naiipon sa mga nawawalan
ng mahal sa buhay
Kundi galit at kawalan ng pag-asa…
ngunit sa isang banda…
Ang galit ang nagtutulak sa pagsisikap
at pakikabaka
At magpapatuloy sa pagyabong ng armadong
pwersa.
Matagal na silang takot…
Ngayon, ang Malakanyang na ang dapat
matakot.
Inilathala ng Bulatlat
BACK TO
TOP ■
PRINTER-FRIENDLY VERSION ■
COMMENT
© 2007 Bulatlat
■
Alipato Publications
Permission is granted to reprint or redistribute this article, provided
its author/s and Bulatlat are properly credited and notified.
