Tula
(Poetry)
Anakpawis
Ni
Hassan Ul-Hashim Kabungsuan
Binungkal
mo ang lupa
At
naging sagana ang mga hapag,
Maliban
sa iyo at sa iyong mga kauri.
Dahil batas ng piyudalismo na tanging panginoong maylupa
Ang
nararapat na mabusog sa sagana mong ani
At
dahil siya rin madalas ang iyong pinuno
Dapat
sa kanya ka lamang magsisilbi.
“ito ang lagi nilang isinasaksak sa iyong utak
pag umayaw ka’y wawasakin nila ang iyong bungo”
at alam mo kung paano nila sinalaula’t pinagpapatay
ang mga kapatid mong lumabag sa batas ng piyudalismo.
Tinibag
mo ang bato
At
lumitaw ang mga produkto’t matatayog na gusali
Ngunit
hindi ikaw ang nagmay-ari nito.
Dahil batas ng imperyalismo na tanging kapitalista
Ang magmamay-ari sa lahat na bunga ng iyong paggawa
At dahil siya rin madalas ang iyong pinuno
Dapat sa kanya ka lang magsisilbi.
“ito ang lagi nilang isinasaksak sa iyong utak
pag umayaw ka’y wawasakin nila ang iyong bungo”
at alam mo kung paano nila dinukot at minasaker
ang mga kapatid mong lumabag sa batas ng imperyalismo.
Hinulma
mo ang bakal
At
sumulpot ang mga kagamitang pandigma at sandata
Ngunit
ayaw nilang hawakan mo ang mga ito.
Dahil batas ng burukratang-kapitalismo
Na ang hahawak nito ay tanging mga mersenaryo
At dahil sila ang tropa ng iyong mga pinuno
Dapat sa kanila ikaw ay magsisilbi.
“ito ang lagi nilang isinasaksak sa iyong utak
pag umayaw ka’y wawasakin nila ang iyong bungo”
at alam mo kung paano nila tinortyur at pinugutan ng ulo
ang mga kapatid mong lumabag sa batas ng burukratang-kapitalismo.
Kinamuhian mo ang lahat na batas na iyon
Dahil inilugmok ka nito sa dusa at hirap.
“ito ang iminumulat mo sa kamalayan
ng iyong mga kapatid at kauri”
Dahil batas ng katarungan na ang nagbubungkal ng lupa
Ang nararapat na mabusog ng biyaya
Na ang pagal sa pagtibag at paggawa
Ang nararapat na may pag-aari
Na ang karapatan ng nakararami
Ang nararapat na ipagtanggol!
Kaya
nagpasya kang hasain ang karit sa saliw ng iyong luha
Kaya
nagpasya kang itaas ang maso sa ritmo ng kumukulo mong dugo!
Sa
bisa ng aral ng malamlam at makulay mong karanasan
Patuloy
mong iguguhit ang mapulang hulagway ng kasaysayan…
