TULA
(POETRY)
Mga
Anghel ng Guinsaugon
NI TOTO
DIVINO
Inilathala ng Bulatlat
Kanina lang,
kanina lang, nariyan pa sila.
Mga halaklak at
tawang-anghel sa lupa
Dito, dito, o
maaaring sa dako pa doon
Doon ko huling
narinig ang mga awit nila.
Bilis, habulin
natin ang mga bakas ng tinig
Ang buntot ng
hagikhik at dulo ng sigawan
Idikit ang tenga
sa lupa, baka may madinig
Kahit gatibok na
buntong-hininga man lang.
Kanina lang,
kanila lang, nariyan pa sila
Tumatakbo sa
damuhan, naghahabulan
Diyan, diyan pa,
at sa gawi pang iyan
Diyan ko huling
nakita ang mga anino nila.
Dali, hulihin
natin ang bakas ng sayaw
Mga kandirit,
gapang, gulong ng katawan
Ipikit ang mata,
baka may mangagsikilos
Kahit gahiblang
guniguni man lamang.
Kanina lang,
kanina lang nariyan pa sila
Sa loob ng
paaralan, tahanan at simbahan
Dali, hukayin
natin sa mga lupa at mga bato
Bago mawalan ng
mga bata ang Guinsaugon.
St. Bernard, Southern Leyte
(Ayon sa mga awtoridad, isang batang-eskwela lang ang
nakaligtas sa Guinsaugon. Wala siya sa baryo nang maganap ang trahedya.
Huminto siya sa pag-aaral matapos malibing nang buhay sa landslide ang
mahigit 200 niyang kamag-aral.)
Inilathala ng Bulatlat
BACK TO
TOP ■
PRINTER-FRIENDLY VERSION ■
COMMENT
© 2006 Bulatlat
■
Alipato Publications
Permission is granted to reprint or redistribute this article, provided
its author/s and Bulatlat are properly credited and notified.
