NI RAUL FUNILAS
Inilathala ng Bulatlat.com
I
Antigong prinsipyo’y di kayang igupo
Minanang katulad sa lantay na ginto
Nagbuwis nang buhay tumagas ay dugo
Sa manghihimagsik na aming ninuno
II
Kaming proletaryo’y hahawak ng armas
Ang pakikibaka’y tiyak sasambulat
Sa nayon at lungsod ng aping mahirap
Na di nangag-kamit ng tunay na batas
III
Hukbong bayan lumalaban
Hukbong bayan matatapang
Iwagayway ang kat’wiran
Iwagayway ang tagumpay
IV
Bandila ng katapangan
Bawat punglong pawawala’y
Bayani ng madlang bayan
Sa paanang Bundok Apo
Kidapawan, Kotabato
Setyembre 26, 2003
1:45 ng umaga
