NI AXEL PINPIN
Inilathala ng Bulatlat.com

Kung:
Kakambal niya ang puyat at panaginip
bihasa s’ya sapag-aalinlangan at pagkakahimbing

Sumisigla at pangahas ang kanyang kabataan
nag-aanyaya ng pagkalunod ang kanyang lalim

Matiyaga siyang magbantay sa magnanakaw
matatag siyang pumusta sa lamay

Kumakalam ang kaibuturan n’ya sa pagbalikwas
nakakabalisa ang haba ng kanyang pagbabanta

Naaalimpungatan ang kanyang lamlam sa takot
alumpihit ang kanyang alinsangan sa paghihikab

Kung:

Nag-iinat ang kanyang taib sa pagbangon.

Agosto 2006
Inilathala ng (Bulatlat.com)

 Save as PDF