Mula sa IBON FOUNDATION
(Alay kina Alex at Ka Roda)
Kung papaano kayo umanib
Sa sanlaksang kandilang nagsaboy-liwanag,
Kung papaano kayo nakiguhit
Ng pagbabago na pluma ng taumbayan ang gamit,
Kung papaano kayo naghinagpis nang tahimik
Habang kung di nakangiti’t umaawit
ay mithiin ng mamamayan ang buong-tapang na inuusal…
Sa kabila ng pighati sa inyong pagpanaw,
kami’y nagpapasalamat
sa halimbawa, lakas at buhay na inyong ibinahagi
na sana’y aming madugtungan ng katumbas na sigasig.
